កម្លាំងប៉ុស្តិ៍នគរបាលរដ្ឋបាលបឹងកក់ទី២ ឃាត់ខ្លួនជនសង្ស័យម្នាក់ជាក់ស្តែងពីបទប៉ុនប៉ងលួច
23-August-2019 | ដោយ ពលមនសិការ
ភ្នំពេញ៖ នៅថ្ងៃទី២២ ខែសីហា ឆ្នាំ២០១៩ វេលាម៉ោងប្រហែល០២នឹង៣០នាទីរំលងអាធ្រាត្រ កម្លាំងប៉ុស្តិ៍នគរបាលរដ្ឋបាលបឹងកក់ទី២ នៃអធិការនគរបាលខណ្ឌទួលគោក រាជធានីភ្នំពេញ បានឃាត់ខ្លួនជនសង្ស័យម្នាក់ជាក់ស្តែងពីបទប៉ុនប៉ងលួច (កន្ត្រៃសម្រាប់កាត់ដែកប៉ុនប៉ងកាត់ខ្សែភ្លើង និងខ្សែកាបក្រុមហ៊ុនអុបទិក) នៅចំណុចមុខផ្ទះលេខ១០៣ ផ្លូវលេខ៥៩២ ក្រុមទី១១ ភូមិ២ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។
លោកវរសេនីយ៍ឯក សុខ ហេង អធិការនគរបាលខណ្ឌទួលគោក បានឱ្យដឹងថាជនសង្ស័យឈ្មោះ ធុច ចាន់ធិ ហៅធិ ភេទប្រុស អាយុ៣៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះលេខ៣៥ ផ្លូវលេខ៣៣៧ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។
វត្ថុតាងចាប់យកមានៈកន្ត្រៃសំរាប់កាត់ដែកមួយ ពណ៌ខៀវ (ជារបស់ជនសង្ស័យឈ្មោះ ធុច ចាន់ធិ ហៅធិ)។ បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បី សាកសួរចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ2961
- ម្សិលមិញ14181
- សប្តាហ៍នេះ2961
- ខែនេះ118111
- ឆ្នាំនេះ118111
- សរុប20560567